Nosc amor
Nosc amor mei flurì
à vivù na sëula sajon
dla prima ansciuda,
canche la nëif delëiga plan
y mé spéresc cuca sù
ciofs bunerives tló y iló,
ancontra al surëdl lëis
che sciauda puech…
Nosc amor mei madurì,
fat de sëmiesc y paroles lesieres
che desfantea riesc
ala lum dl di
y contra la ridà di granc
che fej damat
cun nosc destin,
bele senià tla lijënda…
Nosc amor perdù per for.
Unsere Liebe
Unsere nie ausgeblühte Liebe
hat nur eine einzige Jahreszeit gelebt
früh im Frühling,
wenn der Schnee nur zögernd schmilzt
und nur einzelne frühe Blumen
hie und da hervorlugen,
einer schwachen Sonne entgegen,
die kaum wärmt…
Unsere nie gereifte Liebe,
aus träumen und leisen Worten,
die bald verblassen
bei Tageslicht,
gegen den Hass der Mächtigen,
die mit unserem Schicksal
spielen, unser von der Sage
vorbestimmtes Schicksal…
Unsere für immer verlorene Liebe.
